Wheatfield X 羅宋湯專門店 (已結業)

放假想出黎行下，拣左轻松嘅山顶路线，行之前梗要揾啲好嘢食啦，呢一间自从之前见到报导就好想食，今日终于有机会啦！下午茶时间黎到人唔多，都几多位。炒杂菜$18: 有西兰花、车厘茄、淮山，个调味几好，唔系只得豉油味，有淮山食有惊喜，爽口而有点黏液咁，系健康嘅。薯仔沙律：薯仔均合一些小蔬菜，以蛋黄沙律酱调味，小小一碗食落份量都几多，味道唔差但唔突出。虾多士$22: 炸得好透好松脆，稍嫌热气左啲，不过虾多士都系咁上下的。牛油餐包：质感实在，会饱肚，个底仲有少少脆，系惊喜位，点啲罗宋汤食仲正。牛腩罗宋汤$72 连牛油餐包 薯仔沙律 饮品罗宋汤系我最期待嘅，最正宗梗系拣牛腩底啦，入口个味好浓，牛腩味好出，感觉得到真材实料去煲，汤内有好多蔬菜料，牛腩都好多件，牛腩出奇的嫩滑有弹性，而且肉味重唔似煲左好耐嘅汤渣，唯一美中不足嘅系觉得个汤有啲油腻，应该系落左牛油关系吧。猪骨罗宋汤上海面$58: 个基底转左猪骨味，明显同牛腩果碗有分别，喜欢边个口味见人见智，自己就钟意牛腩多啲，配嘅烧猪腩肉片好似日式拉面嘅叉烧，口感系粗糙嘅，上海面较腍，觉得同罗宋汤有少少唔夹。第一间以正宗罗宋汤为卖点嘅餐厅，系有一定吸引力嘅