Wheatfield X 羅宋湯專門店 (漢宮閣) (已搬遷) 新店位置

今日放工同朋友去公司附近行吓，先行咗太古城，慢慢沿住行返去鰂魚涌太古坊，經過見到呢間Wheatfieldx羅宋湯專門店。兩個都鐘意飲羅宋湯嘅我哋，當然嚟試下🤭餐廳除咗招牌嘅牛腩羅宋湯同豬脾肉羅宋湯，仲有得揀雞絲清雞湯同紅菜頭湯👍🏻食開素食或者想清淡啲嘅可以揀喇😉呢度嘅一人精選套餐系列，每個套餐可以揀一個湯同一種飯/麵食，仲可以加配小食例如蝦多士、雞扒、小食拼盤等等，套餐仲奉送埋熱飲🤤牛腩羅宋湯同豬脾肉羅宋湯都好飲嘅，味道濃郁、而且有啲甜辣味🤔牛腩都淋，但肥肉較多。豬脾肉少少硬，比較難咬。配菜就炆到好淋，一咬即爛😗