吹水館 (已結業)

好友生日, 但尚未觅得如意郎君, 一众姊妹决定同主角搞个romantic birthday dinner因为其中几位女友都未嚟过SOHO东, 所以今次就拣吹水馆喇~~~我哋一行7人一早打嚟book定位, 准时7:00到, 间餐厅黑忟忟, 内裹贴满闪令令嘅纸皮石, 又唔系太多人, 好啱成班女仔倾偈 (拍拖都啱)! 我哋叫咗半打生蚝, 我唔食, 佢哋话好好食, 好新鲜! 跟住唔记得加几多钱有2杯white wine, 劲难饮!!!每人叫1个set dinner, 红,白汤都唔太凸出, main course全部都点炭烧肉眼扒or比目鱼 (其实有好多款main course俾你拣), 两款份量足, 肉眼比比目鱼较好食, 肉眼够juice又有炭香, 比目鱼唔够甘香, 只系普通一块鱼扒! 最后咁多个女性梗要有个甜品先叫完满啦~~~我哋special order 心太软 (全个上), 送来时已经有溶岩流出来喇, 外层脆内软, 最重要够浓, 再加上雪糕 (normal)同tiramisu(质感不错), 都算系我食过咁多心太软, 最好食𠮶个!!!气氛+心意+美食=成功攻陷芳心, haha......