羅麥記 (V City) (已結業)

罗麦记可以话系近年好新潮又好出名嘅茶餐厅，其实之前都食过㗎啦，但系都系食下午茶晚餐午餐果类啦，今次第一次食早餐都几有惊喜呀。当然啦我张相好似好大碟咁，但其实我系加咗钱去升级牛角包交咗钱加配薯饼，所以原本个餐系冇咁多嘢食嘅。但系佢块鸡扒好正呀真系，虽然个餐都要四十零蚊，但块鸡扒咁大嘅情况下，都算系好抵食，啖啖肉好有肉汁，唔会干争争，食落去好有咬口之余呢都唔会韧同唔会有根。另外要赞嘅就系虽然加8蚊先至有薯饼，但个薯饼都好好食㗎又香口又脆又有薯仔味。可惜屋企附近冇喇，如果唔系都可以成日食。