羅麥記 (已結業)

去诚品书店买书，买完都天黑，又一个下午系书店，买完出嚟都觉得有D肚饿，咁就去楼上罗麦记食个饭，罗麦记系香港比较早期嘅茶餐厅，比较可以代表香港有特色嘅餐厅，价格适中，装修同环境就一般喇。炸鱿鱼圈，觉得都几好味，但美中不足就系粉太多，炸起来太厚，影响左口感，鱿鱼都几新鲜。吞拿鱼焗饭好好食，饭焗得好香，吞拿鱼酱汁调得太好味喇，米又靓，所以饭都好正。白汁海鲜焗饭睇个样就觉得几新奇，不过味道一般，有D浓过头，味道一般。奶茶都几好饮，不过就无几大嘅特色，罗麦记鸡亦一定要试，好好食，鸡亦整得好入味，酱汁调得更系十分出色，正啊。