阿純山東餃子

营业中

休息中

有日要去太子揾食，有少少难度，因为平时少蒲呢度，不过记起有食家讲过「阿纯山东饺子」质素唔错，咁呢排都钟意食饺子，就决定去呢度啦。好街坊的外表下其实系米芝连推介餐厅，有点睇唔出。来呢度除左饺子之外，我最想试山东手撕烧鸡（例牌$38）。例牌分量唔多，最多够两个人分。鸡髀肉都好滑，只系应该最入味的鸡皮唔知去左边，所以味道唔多足，要靠点酱增味。墨鱼饺（$48）黑漆漆的卖相虽然唔讨好，但好有墨鱼鲜味，里面亦有粒粒墨鱼馅。除左特色饺子，仲有好多常见口味。白菜鲜肉饺（$40）菜同肉的比例都算平均，腌得够味，因为有菜，所以都juicy d。食完清清地嘢，又食返d香口嘢，韭菜猪肉馅饼（$26）一睇已非常吸引，外皮微微焦黄，馅料甚多。一咬已感到外皮的面粉香同脆脆地质感，馅料肉汁充盈，韭菜亦好香，很不俗。不过讲到整餐最惊艳的一道菜，一定系香烧羊排（$88）。卖相系有点乱糟糟，但一放上枱已被香气吸引。羊排充满孜然粉的香料味，带好轻微的辣，最重要系肉质非常酥软，一咬已骨肉分离，近骨的位置带点肥膏更为一绝，食到停唔到口，连带垫底的洋葱都唔放过，呢道菜必点！喜欢面粉香者可以点个葱油饼（$22），薄薄的煎得够香口，只