影片
更多
2021-09-26
330 浏览
又去元朗觅食。今日嚟到一间专门食羊肉粉嘅贵州粉面店。呢间店几乎所有羊嘅刁钻部位都有得卖，包括睾丸、鞭、脑、腰，甚至眼都有！但羊眼太可怕了，我就叫咗羊睾丸同羊鞭粉试下。羊睾丸切开一片片的，就咁睇真系睇唔出系睾丸，而系好似切咗片嘅鸡肾咁嘅形状。食落好腍，唔似食紧肉，因为冇乜肉嘅纤维感，系食到个椗嘅位就爽爽地。至于羊鞭，食落就好似牛孖筋咁，腍滑之中又充满弹性同胶质，好似好多骨胶原咁，但就冇牛孖筋咁粘口。可能由于呢间店太专业，羊睾丸同羊鞭都处理得好好，一啲异味或者膻味都冇。我谂对于一啲唔敢食羊或者生殖内脏嘅人士，只要唔知呢啲系咩嚟，佢哋都会接受到，仲会觉得好好味。呢度嘅粉，其实系好腍滑嘅米线。而啲汤，可能系用羊肉或者羊骨煲嘅，超甜超好饮，完全饮唔出有味精，所以嚟食粉记得饮哂佢，唔好嘥！仲有，如果想食得地道啲，呢度每枱都有生蒜瓣提供。北方人钟意一口生蒜一口粉面咁食，食一啖好辣嘅生蒜 ，再啜一箸面，未试过就试下，好爽架！仲有仲有，想钟意食辣嘅朋友可以落单时加辣。想试少少辣又唔敢食太辣嘅朋友可以叫辣另上，咁就会用只碟仔装啲辣油畀你。据伙计讲，呢度嘅辣椒油系店家自己炒，冇味精、冇防腐剂或添加剂，保证新
呢间店几乎所有羊嘅刁钻部位都有得卖，包括睾丸、鞭、脑、腰，甚至眼都有！
但羊眼太可怕了，我就叫咗羊睾丸同羊鞭粉试下。
羊睾丸切开一片片的，就咁睇真系睇唔出系睾丸，而系好似切咗片嘅鸡肾咁嘅形状。食落好腍，唔似食紧肉，因为冇乜肉嘅纤维感，系食到个椗嘅位就爽爽地。
至于羊鞭，食落就好似牛孖筋咁，腍滑之中又充满弹性同胶质，好似好多骨胶原咁，但就冇牛孖筋咁粘口。
可能由于呢间店太专业，羊睾丸同羊鞭都处理得好好，一啲异味或者膻味都冇。我谂对于一啲唔敢食羊或者生殖内脏嘅人士，只要唔知呢啲系咩嚟，佢哋都会接受到，仲会觉得好好味。
呢度嘅粉，其实系好腍滑嘅米线。而啲汤，可能系用羊肉或者羊骨煲嘅，超甜超好饮，完全饮唔出有味精，所以嚟食粉记得饮哂佢，唔好嘥！仲有，如果想食得地道啲，呢度每枱都有生蒜瓣提供。北方人钟意一口生蒜一口粉面咁食，食一啖好辣嘅生蒜 ，再啜一箸面，未试过就试下，好爽架！
仲有仲有，想钟意食辣嘅朋友可以落单时加辣。想试少少辣又唔敢食太辣嘅朋友可以叫辣另上，咁就会用只碟仔装啲辣油畀你。据伙计讲，呢度嘅辣椒油系店家自己炒，冇味精、冇防腐剂或添加剂，保证新鲜！而且好香，又唔系好辣，点少少，又系另一个层次，辣完个口，最后再饮埋羊肉汤，正！
张贴
