影片
更多
2006-02-18
20 浏览
同隔离栋o既同事食晏，由于佢呢排学紧阿拉伯语，特别钟情食中东野，所以拣左黎呢度一试。之前行经间舖，见佢店面细细，仲以为入面会好逼，估唔到都几阔落企理，而且都有可以坐八位o既台呢！一点松D黎到，只得两台客，湾仔区而言都几惨淡，可能店面未能吸引到呢一区o既写字楼人士吧？睇睇餐牌，见佢都有唔少选择，包括羊、牛、鸡、鱼o既烧烤薄切(doner)同串烧(kebab)，及中东式o既羊肉碎烤薄饼，全都可以配汤或沙律及包一杯饮品。食中东野，羊肉当然系首选，我地一个叫doner，一个叫kebab，两个都系跟饭﹝米饭系土耳其o既主粮，以前去当地旅行，至爱就系果度o既羊鞍饭﹞。由于烧烤类o既主菜都有沙律伴碟，所以我地两个都要左餐汤。呢度o既餐汤系豆汤，比Dhal浓少少，加左几滴辣油，都几好味！主菜份量好足，doner羊肉下面仲垫左一块薄饼添，个饭系加入左一种瓜籽煮o既，食落质感几特别，同羊肉好搭调，如果再干身少少就更佳。伴碟o既沙律份量亦唔少，蔬菜新鲜爽脆，用辣椒粉同少少醋调味，配肉类绝对系相得益彰。串烧羊肉非常嫩滑多汁，热辣辣，正！烧烤薄切o既羊肉又系另一番滋味，微微焦脆o既口感同不失juicy的内在，捞
睇睇餐牌，见佢都有唔少选择，包括羊、牛、鸡、鱼o既烧烤薄切(doner)同串烧(kebab)，及中东式o既羊肉碎烤薄饼，全都可以配汤或沙律及包一杯饮品。食中东野，羊肉当然系首选，我地一个叫doner，一个叫kebab，两个都系跟饭﹝米饭系土耳其o既主粮，以前去当地旅行，至爱就系果度o既羊鞍饭﹞。由于烧烤类o既主菜都有沙律伴碟，所以我地两个都要左餐汤。呢度o既餐汤系豆汤，比Dhal浓少少，加左几滴辣油，都几好味！主菜份量好足，doner羊肉下面仲垫左一块薄饼添，个饭系加入左一种瓜籽煮o既，食落质感几特别，同羊肉好搭调，如果再干身少少就更佳。伴碟o既沙律份量亦唔少，蔬菜新鲜爽脆，用辣椒粉同少少醋调味，配肉类绝对系相得益彰。串烧羊肉非常嫩滑多汁，热辣辣，正！烧烤薄切o既羊肉又系另一番滋味，微微焦脆o既口感同不失juicy的内在，捞饭一流。
食饱饱，再黎番杯土耳其最普遍o既苹果茶，微带酸涩o既味道不但完全洗去口中残留o既肉味，而且可以消滞，个人认为系食肉类烧烤o既最佳配搭。想当年o系当地坐长途巴士，一停站就会为旅客送上一条香水湿纸巾同一杯苹果茶！
张贴