清真牛肉館 (打鼓嶺道)

营业中

休息中

呢日同屋企人去附近医院探病后便嚟到九龙城，实在太耐冇食过清真牛肉馆喇，大家都异口同声噉话要嚟食，鉴于以前曾经帮衬过龙岗道𠮶间嘅态度唔好，之后转去打鼓岭道呢间比较好，所以都习惯嚟远啲嘅呢间～去 清真牛肉馆 点牛肉饼就必定架喇，但其实佢嘅羊肉都唔错㗎！当然先要一客牛肉饼 — 以前嘅牛肉饼一咬就爆汁，但今次就比较少了，虽然仍有汤汁，但可能俾肉馅索哂，但成个牛肉饼嘅味道仍然好好味～个人更喜欢羊肉小笼包 — 皮薄馅多，散发出轻微嘅羊膻味，而且胜在肉汁超多，咬一口简直爆汁，温度恰好，微暖又唔辣口～呢个超级大份！汤清甜少油，鸡肉都几滑，好容易撕开嚟食，云吞都唔少，皮薄，但就肉馅居多菜馅较少。