天山小館 (已結業)

呢间新疆风味餐厅的羊肉真系无得弹，差不多乜嘢羊都比我们食晒。两个人等一个梗系食住等，于是叫了羊肉串，$22一串，4串起。齐人开饭，第一度𩠌系手抓羊肉，老板娘好好人话我地3个人叫3条唔洗一定要叫4条，羊肉好鲜味。呢个系烤羊排，老板娘话我地都可以叫3件，点知我个friend话呢个超正，叫6件都无问题，结果真系超正，羊排肉够鲜嫩，烤得够晒香，结果我地临尾仲encore多6件，3个人总共食咗12件。凉皮系老板娘介绍嘅，几清新。羊肉馅饼就一人一件，佢个馅捞得好味，洋葱加上羊肉，几惹味。我地仲试了呢两款新疆饮品，沙蕀汁同蜜瓜汁，我地都觉得沙蕀汁好饮啲，酸酸地，老板娘话沙蕀系沙漠中的一种植物。