靚煲皇 (已結業)

天气开始冻啦，最岩一班人一齐吃火锅，今日拣左以多汤底闻名既靓煲皇试一试环境系以中式风格为主,所有既餐具 Menu都有悉心设计过， 入面既装潢古色古香,望落干净企理，倾计都舒服。因为岩岩放工既关系，大家都嗌晒肚饿,好彩既系佢上菜速度好快,而且不得不赞既系waiter 真系好Nice,会主动帮手加水添野,佢地既酱料好齐料,应有尽有。山东羊腩煲吃火锅汤底就当然系主角，而羊腩煲既汤底味道香浓，仲用左腊肉增加味道,个汤底味道好香,岩哂我地4个钟意重口味既朋友仔.其中仲有一大旧羊肉，令成个汤底都充满浓厚羊肉味，各种食材亦都因为出色既汤底加左分，补充同丰富左食材既味道。羊肉一食就好有惊喜，唔膻系靓既羊肉既基本，口感非常丰富，有别于平时一般既羊肉，令人眼前一亮。而且食物布置非常有心思，用好多绿色既配料令个视觉好靓，即使我地最后先食，都一样keep住新鲜，羊肉份量好多，同汤底真系好夹。顶级本地牛肉一上菜就俾佢个外观吸引住，好多块牛肉一齐并列,感觉牛放耐左都keep住新鲜，牛肉新鲜嫩滑，配埋酱料食真系物有所值。牛肉弹滑既口感已令人一试难忘，一咬落口丰甜既肉汁已经多到漏出黎，钟意食牛肉既朋友一定唔可以错过。