富臨皇宮 (已結業)

睇戏就话羊加鱼就等于个鲜字，虽然我就唔系同一道菜色用晒两种食材，但系就叫咗羊同鲍鱼，两样都好美味！羊腩煲最重要就系火候十足，羊肉要够嫩滑，汤底要够浓厚，食完先至会有暖嘅感觉！而且佢有好多配料，例如马蹄、竹笋等，令汤底更鲜甜，而且侍应帮我地定期搞下个开着嘅Gas炉，唔会黐底，食得放心！鲍鱼非常之鲜美，而且一啲都唔细只，我哋四个人一共食六只鲍鱼，而且用果皮去蒸，令到甜美更加出众！我仲钟意用啲豉油去配搭，味道更佳！花胶北菇煲真系童叟无欺，花胶真系好厚好足料，冬菇更加够味，加上蚝油焖煮，味道非常之满足！对女士更加系恩物啊！以前妈咪好钟意煲猪肺菜干炖汤，还可以以形补形，改善呼吸系统，但佢而家好少系屋企煲，因为洗猪肺好攰！呢个汤精粹系猪肺要洗得干净，否则就会有一阵奇怪味道，但呢度洗得好干净，清甜润喉，我饮咗三碗！生煎包我比较钟意呢款传统的，实净而且多汁！最后仲有个南瓜糖水，令今晚晚餐更加完满！