美利餐廳 (已結業)

标题有少少怪，点解咁美利的日与夜呢？！因为依间餐厅我帮衬过两次，感觉好悬殊，我帮衬嘅两个时段分别系早餐同晚餐。我上次食晚餐....佢好难食，好似以前啲港式茶餐厅煮西餐咁嘅质素；但今日食早餐，好似入咗第二间餐厅咁，质素好高！其实令我今日再次帮衬嘅原因，系因为佢系我gym room隔离，我想快快脆脆食完早餐上去做gym，所以就再次光顾，我等位嘅时候已经听到有个女人同老板讲：「你啲早餐好好食！」我心谂，早餐周围都差唔多，有冇咁夸张？！入到去我就叫咗个三文治，系好普通嘅三文治，真心食落都普通，你唔会觉得差、亦都唔会觉得好好。（后尾先发觉，我系叫咗全个餐厅最普通𠮶个早餐）咁我朋友就叫咗个雪菜肉丝鸡扒米，我就试咗一啖，真系好好食...佢个汤底同出边唔同，应该系落咗好多材料去淆制，鸡扒亦都好嫩滑跟住又听到隔离枱个哥哥赞个早餐好食，我睇吓佢食咩啦～原来系鸡扒猪仔包，大大件...成块鸡扒凸咗出嚟，好大块。下次一定会试PS:点解佢早餐同晚餐质素可以差咁远，到而家都系一个迷