嘉華餐室

营业中

休息中

番大西北探屋企人嘅即兴环节😝😝附近食啲嘢快速医个肚饿至上楼！见到呢间灯光明亮仲有阔落卡位坐唔使同人逼🙂入去快靓正解决今日嘅晚餐先！店员亲切兼服务有效率！点完菜都好快送到！开动！. ✨中式靓汤随小菜送上嘅青红萝卜猪骨汤！够热又饮完无颈渴！应该冇/唔重味精👌🏻👌🏻. ✨老坛酸菜鱼鱼片份量都正常！软嫩无骨又唔腥！酸辣度唔会过火好开胃！底下仲有荳芽同烟韧薯粉！以茶餐厅嚟讲算做得几好😉. ✨重庆鸡煲 (半只) 😘Be重点推介！！上枱时仲隐约听到滋滋声！热辣辣兼香气扑鼻！而且有大量啖啖肉入味鸡件！微微辣越食越惹味👍🏻👍🏻比预期质素高所以值得推荐！. ✨鱼香茄子煮完依然keep到靓靓紫色嘅茄子令卖相加分😍加埋腌制得好够味嘅肉碎连汁料！捞饭食系唔错！！