Mee...lemongrass (已結業)

近来马鞍山进驻了不少食店，而且质素唔差，马鞍山美食沙漠之名相信可除了，而今次和同事去食的Mee...lemongrass同样有质素价钱经济。个场好大好旺场好多食客，坐无虚席需要等一阵才安排到座位。餐牌菜式选择多，价钱唔贵六十至八十蚊咁上下，二人食二百蚊左右埋单相当化算。马拉盏炒通菜 $64炒通菜非常惹味好有咸香，唔算好咸味道精准，食晒成碟通菜都可以唔洗饮啖水，唔错食得过。招牌无骨海南鸡饭 $80招牌菜点都要试下，个饭跟埋碗浓汤和碟菜，鸡油饭香有味饭粒粒分明仲可加饭，鸡肉起左骨食起来啖啖肉，鸡肉质嫩油脂无乜，鸡皮咬落有脆弹口感好特别。波士顿龙虾喇沙 (原只) $84卖相吸引，来到相当有惊喜超大碗看到好满足。原只龙虾有大碗咁大只，有手套提供方便进食。喇沙汤底味浓，一夹起有油面米粉芽菜捞埋，食落口感丰富，豆卜好入味好食如果再多几件铺满成碗就好了。喇沙见枱枱都有点来食，唔点确实会错过，依家仲做紧特价好抵食，是必食之选。