Green Orange

难得呢日喺上环做嘢，所以就 book 好位，约埋好友一齐食个 dinner 先。餐厅夜晚灯光暗暗哋，好柔和，加埋蜡烛就好有情调; 睇完餐牌后，同朋友决定 share 食物，咁就可以一齐试多几款啦!餐包 - 质地松软，甜甜哋，点埋油醋汁好好味。蟹肉南瓜忌廉汤 - 南瓜味好浓好滑，里加咗好多蟹肉，一路饮汤都食到呀，唔错。烧带子柚子沙律 - 带子煎得刚刚好，有鲜味得嚟又唔会韧，西柚好甜又多汁，加埋沙律菜，好 refreshing! 香煎鹅肝伴黑松露杂菌意大利饭 - 鹅肝外皮煎得香脆，内里就软滑甘香，意大利饭煮得刚刚好，加咗杂菌碎，增加咬口，亦可能因为咁样，呢个饭好清爽，完全唔会觉得腻。脆焗猪手伴蜜糖芥末汁 - 侍应会拎只猪手问要唔要帮手切，我哋就紧系要啦! 猪手外皮松脆，猪肉腌得咸香入味，肉质又唔会好嚡，点埋蜜糖芥末汁，食落无咁腻同干之余，又带出另一种香味，好惹味呀! 伴碟用上甜薯，好 match! 朱古力布朗尼伴云呢拿雪糕 - 布朗尼热热哋，配埋质感绵密幼滑嘅云呢拿雪糕，一冷一热，正! 餐厅整体食物水准高，侍应细心有礼貌，虽然系楼上铺，但都唔会好嘈，倾计都 ok。