多味美 (已結業)

成个第一城就只有一间上海餐馆，见店面都好似企企理理，就入去试下喇。餐牌上面都有好多选择，而且有套餐。我点了2人餐：1汤3小菜2白饭，有约十几款小菜供选择，我当然选了上海排骨丶麻婆豆腐丶味菜牛柳丝。例汤系青红萝卜汤，饮落冇口干，应该少味精，至于味道方面，当然冇自己煲的咁好，但比一般茶餐厅的好好多。上海排骨有2大块，系大块，仲要炸得香脆而不太油和干，有五香南乳的味，正，不过都几热气！哈哈！麻婆豆腐真系好好食，豆腐滑有豆味，肉碎丶炸菜粒丶冬菇粒都好好味，辣味适中，非常适合捞饭。味菜牛柳丝都好好食，不过同前2者相比，就较逊色。白饭煮得唔错，如果喜欢食菜饭，可以加钱转菜饭，不过如果捞麻婆豆腐就咁白饭已经好够。