影片
更多
2019-07-13
88 浏览
今日我哋又嚟到尖沙咀食串烧。话说之前喺尖沙咀厚福街都食过一间串烧店叫深夜食堂。呢间铺好似最近改咗名，但都无碍我哋嚟食串烧嘅冲动。入到铺头，有一种非常东瀛嘅感觉，而且仲有室外嘅地方，由于我哋𠮶日落雨，所以都系留返喺室内啦。食物方面我哋叫咗两个乌冬串烧餐。每个餐除咗一碗乌东之外，都有唔同嘅海鲜，串烧肉同菜等等。温泉蛋乌冬。汤底偏咸少少，味道尚算可以，乌冬面则幼身，就算系我呢啲唔太喜欢食乌冬嘅都觉得几好食，当然重点系只温泉蛋，真系非常嫩滑，入口即溶。串烧白鳝，入口非常弹牙，而且酱汁甜甜地噉样，真系几好食，十分推介。蒜蓉香烧虎虾， 亦都系大大只，蒜蓉味都够入味。烧鲍鱼嘅口感略为烟韧，但啲配汁多令到只鲍鱼几好食。烧扇贝我就冇食过，不过就唔算大只。秘汁烧牛柳肉质非常腍身，亦有肉汁，值得推介。荔枝烟肉串反而有惊喜，荔枝肉汁好澎湃，烟肉薄脆，两者加埋嘅口感好特别。鸡翼就咸咸地又串烧嘅味道，相对系较平凡嘅菜式。火焰芝士翠肉瓜，真系可以话系我食过咁多种翠肉瓜以嚟最好食嘅，配上芝士之后味道好浓厚。串烧韭菜就真系太咸太辣了，如果你唔系重口味人士，落单记得问下佢可唔可以少辣。饮品就叫左巨峰梳打同草莓梳打。草莓梳
入到铺头，有一种非常东瀛嘅感觉，而且仲有室外嘅地方，由于我哋𠮶日落雨，所以都系留返喺室内啦。
食物方面我哋叫咗两个乌冬串烧餐。每个餐除咗一碗乌东之外，都有唔同嘅海鲜，串烧肉同菜等等。
温泉蛋乌冬。
汤底偏咸少少，味道尚算可以，乌冬面则幼身，就算系我呢啲唔太喜欢食乌冬嘅都觉得几好食，当然重点系只温泉蛋，真系非常嫩滑，入口即溶。
串烧白鳝，入口非常弹牙，而且酱汁甜甜地噉样，真系几好食，十分推介。
蒜蓉香烧虎虾， 亦都系大大只，蒜蓉味都够入味。烧鲍鱼嘅口感略为烟韧，但啲配汁多令到只鲍鱼几好食。烧扇贝我就冇食过，不过就唔算大只。
秘汁烧牛柳肉质非常腍身，亦有肉汁，值得推介。荔枝烟肉串反而有惊喜，荔枝肉汁好澎湃，烟肉薄脆，两者加埋嘅口感好特别。鸡翼就咸咸地又串烧嘅味道，相对系较平凡嘅菜式。
火焰芝士翠肉瓜，真系可以话系我食过咁多种翠肉瓜以嚟最好食嘅，配上芝士之后味道好浓厚。
串烧韭菜就真系太咸太辣了，如果你唔系重口味人士，落单记得问下佢可唔可以少辣。
饮品就叫左巨峰梳打同草莓梳打。草莓梳打较为推荐，因为真系有草莓肉，巨峰梳打就冇提子肉桂入边嘅。
总结，食物质素都唔错，可以俾我过下串烧瘾😜
张贴
