鳥森 (已結業)

难得放假，去铜锣湾行街街，仲可以顺路食到 #鸟森 #串烧🍢，好满足😌！ Set 精选串烧6️⃣本，前菜、渍物、沙律、汤＆茶碗蒸，仲有咖啡或伯爵茶☕，好丰富！唔夸张，6款串烧都好好食，有微微炭香，外层香脆又可以保持内里 juicy，各款都配上不同调味，所以每串都有惊喜😍！最钟意横隔肌，肉质软嫩，保持浓浓肉味。🐷紫苏里芋豚肉卷 有淡淡紫苏香气。蛋黄渍免治鸡肉卷 嘅蛋黄渍比一般结实，但原来口感特别又有浓郁蛋香，好配有啲软骨又口感丰富嘅免治鸡肉🐔。烧茄子＆冬菇都系烧到刚刚好，唔会好干身👍🏻👍🏻。沙律系蕃茄沙律🥗，同渍物一样都系酸酸的，好开胃。鸡汤浓郁，但可能部分人会觉得偏咸，我自己就好钟意。#茶碗蒸 都几出色，蛋香又滑😀。咁热嘅天气，配杯冻伯爵茶就 perfect 啦😍！