美味坊

营业中

休息中

石塘咀熟食中心有间高CP值嘅餐厅——美味坊，除左固定餐牌，每日都有唔同嘅午餐menu 供应，价钱亲民，而且好味道，今次叫左白汁烟肉火腿意粉同五香肉丁炒饭。《白汁烟肉火腿意粉》$44呢碟意粉好有儿时嘅味道，奶香浓郁嘅白汁，配上煎香嘅烟肉同火腿，味道丰富，意粉都煮到岩岩好，唔会过腍，令人食唔停。《五香肉丁餐肉炒饭》$44炒饭好有镬气，虽然炒饭偏湿，配上五香肉丁同餐肉粒，每一啖都有丰富的肉香味，而且份量十足，食得相当之满足。《是日靓汤》（送）午餐除左跟野饮之外，仲送多一碗例汤，今日系青红萝卜汤，相当之足料，平衡返多肉无菜嘅饮食。