安南 (又一城) (已結業)

对上一次食安南已经系疫情之前，今日过黎溜冰紧系再黎食，星期六夜晚7点黎到，餐厅都几乎坐满只净两张枱，经理安排入座相当迅速，两大一细总共点左5样野，先黎炸软壳蟹柚子沙律同牛油鸡翼，沙律新鲜分量足，软壳蟹炸得好香口，沙律汁好味。牛油鸡翼就一般，无乜牛油香，面头炸蒜出色。跟著再黎蕃茄炖牛腩跟法包，牛腩好淋好入味，汤汁好浓，好似饮紧罗宋汤，点法包食停唔到口，其他咸鱼炒芥兰苗和炸虾饼捞檬，就正常好味，无乜好讲。要赞下餐厅服务态度非常好，上至经理，下至执枱，全部都好有善，乐于帮忙，食品出色，抵你哋爆场，继续努力💪