豬屋日本料理

营业中

休息中

同朋友系佢屋企楼下附近谂住食日本料理满足下无得去日本旅游既心情，可惜餐厅内太多人，于是改叫外卖买上楼食。叫左份宫崎便当、猪软骨拉面、椒盐鱿鱼，等左15分钟左右食物巳经包好哂，餐厅用左个环保袋pack成一袋，为左保存温度仲订合上袋口。一路拎住都闻到个袋里面传来食物香味，上到楼急不及待地打开，因为惊个拉面会吸哂水涨哂唔好食，一打开，餐厅原来用左分隔层，拉面与汤分开，倒返一齐，面食食落依然保持弹牙软滑，猪软骨有成8、9嚿，肉质琳身，每嚿都带住软骨，咬得有口感。朋友食既宫崎便当都好正，分开左4格摆放唔同既食品，最大主格珍珠米配日式甜咖哩汁，日式鸡排，炭烧猪颈肉、烧茄子、味付螺肉，好丰富既配搭，朋友食得滋味。椒盐鱿鱼咬落脆口，每条都系采用鱿鱼须去炸，同朋友就唔洗争住边个食须，有埋沙律酱点下配搭，系比较传统既日式料理配搭，整体上唔错。