影片
更多
2019-09-07
2952 浏览
老婆考到个专业试，获得个好成绩，就梗喺要贺一贺啦，所以，专诚嚟到启德邮轮码头，睇睇风景，并食餐有水准嘅晚餐庆祝吓。虽然，邮轮呢家嘢近十年八年都发展得好蓬勃，不过，小弟都仲未坐过；然而今晚到访码头顶层花园嘅「海荟」，就曾经晌3、4年前机缘之下嚟过食晏，今次可谓后「荟」有期。餐牌中有少少对餐厅定位嘅介绍，主要都喺做婚宴，始终做到婚宴喺几赚到钱嘅项目。既然喺搞婚宴嘅，环境装修就有番咁上下，黑白格仔地砖，拱形天花，一派复古嘅英伦车站风，够晒格调。而且，四周设有啲小白树，挂上灯饰，餐厅尾又有个小舞台，浪漫有气氛。枱上嘅摆设亦唔马虎，小枱灯、花环、精致嘅餐具。晌入门口位，就楝咗个牌，正正推介紧波士顿龙虾为主打嘅晚市套餐，究竟详情喺点呢？睇睇以下嘅餐牌就明白晒。4道菜嘅晚餐，包括有沙律、餐汤、主菜及甜品，并奉送餐饮，而主菜共有6款选择，由唔同嘅肉类或海鲜拼龙虾，定价为$288-$468，视乎所拣嘅主菜。既然主打龙虾，唔止主菜有龙虾入馔，就连沙律及餐厅都有龙虾元素，如果连甜品都加埋，就完整喇。波士顿龙虾田园沙律田园沙律都喺简简单单嘅沙律菜、车厘茄、樱桃萝卜……等等，但取欣赏喺落嘅油醋份量刚好，唔会太多
餐牌中有少少对餐厅定位嘅介绍，主要都喺做婚宴，始终做到婚宴喺几赚到钱嘅项目。
既然喺搞婚宴嘅，环境装修就有番咁上下，黑白格仔地砖，拱形天花，一派复古嘅英伦车站风，够晒格调。而且，四周设有啲小白树，挂上灯饰，餐厅尾又有个小舞台，浪漫有气氛。
枱上嘅摆设亦唔马虎，小枱灯、花环、精致嘅餐具。
晌入门口位，就楝咗个牌，正正推介紧波士顿龙虾为主打嘅晚市套餐，究竟详情喺点呢？睇睇以下嘅餐牌就明白晒。
4道菜嘅晚餐，包括有沙律、餐汤、主菜及甜品，并奉送餐饮，而主菜共有6款选择，由唔同嘅肉类或海鲜拼龙虾，定价为$288-$468，视乎所拣嘅主菜。既然主打龙虾，唔止主菜有龙虾入馔，就连沙律及餐厅都有龙虾元素，如果连甜品都加埋，就完整喇。
波士顿龙虾田园沙律田园沙律都喺简简单单嘅沙律菜、车厘茄、樱桃萝卜……等等，但取欣赏喺落嘅油醋份量刚好，唔会太多而令啲菜太湿，好清爽，再配搭埋龙虾钳肉，肉质鲜爽，带点点海水味咁，喺一道好醒神嘅头盘。
传统法式龙虾汤睇到餐汤深沉嘅色泽，感觉已好对办。有人可能会觉得质感有啲稀，但正正喺落少咗「面捞」嘅效果，无一般忌廉汤类嘅咁肥，口感确喺爽口啲，而龙虾味就坚浓郁、好精华。此外，跟汤嘅面包亦烘得软绵，感觉喺涂咗橄榄油嚟烘。
传统法式龙虾汤
7 浏览
0 赞好
0 留言
老婆拣咗比目鱼，因为佢喺偏素之人，红肉少食，白肉都OK。整道主菜卖相好爽朗，件深海比目鱼柳煎得外皮非常之香脆，咬落真喺咯咯声，而鱼肉嫩滑细致，且好有鱼味，衬少少黑鱼子连香槟忌廉汁，食味一流，老婆就大赞件鱼本身好高质素。
香煎深海比目鱼柳、波士顿龙虾配黑鱼子香槟忌廉汁，时令蔬菜
6 浏览
0 赞好
0 留言
焗纽西兰羊架配香煎波士顿龙虾、黄芥末汁，薯蓉及蔬菜 $438难得有羊拣，小弟就首选选羊架配龙虾，而羊架有两大支，烧得外观焦香，煎到嘅生熟度啱啱好，色泽粉嫩而唔会有血水渗出。切一小口试试，肉质柔嫩富羊肉嘅膻香，无论沾点黄芥末汁，抑或薄荷啫喱，都一样咁好食。
焗纽西兰羊架配香煎波士顿龙虾、黄芥末汁，薯蓉及蔬菜
6 浏览
0 赞好
0 留言
龙虾方面呢？虾钳就用咗做沙律，亦无乜膏，所以，只有虾身嘅一大口肉，入口好爽弹，又带虾鲜味。
伴菜就列明喺薯蓉及蔬菜，其实都喺大路嘢，不过，整得有心定无心，一食就知，就好似啲薯蓉咁，搓成半烂，柔滑得嚟又带少少薯仔粒粒嘅口感，而且，啲薯仔好有薯味，无话捞呢样𠮶样，此外，啲蜜糖豆爽口无渣，用料不赖。
是日甜品初时，估计甜点会唔会喺乜乜芝士多糕呢，原来喺一盘4款迷你慕丝杯，分别喺蜜瓜味、荔枝伯爵茶味、士多啤梨味及白朱古力味（我就觉喺似意式奶冻）；对比起啲沙律、餐汤、主菜而言，啲甜品就有较大嘅回落，其实见到杯杯都花心思装饰过，卖相的骰精致，但慕丝部份就唔算好滑溜，整体喺OK嘅，只不过跟埋其他食物比，就变得普通咗。
即磨咖啡、热柠水配甜品，都喺咖啡最衬，老婆就要热柠水，啲杯碟都好靓架。最后，一口咖啡，一口慕丝，轻松完结今晚嘅波士顿龙虾晚餐。
总括嚟讲，餐厅嘅环境好，有气氛，食物做得有一定水准，服务非常妥贴，店员好有礼貌，上菜速度又拿捏准，让人舒服悠闲咁用餐。餐后，晌花园平台逛吓，欣赏吓对岸夜景，吹吹海风，让凉意平静人心。
张贴
