牛舞日本燒肉‧涮涮鍋放題 (1亞太中心) (已結業)

之前食过铜锣湾嘅牛舞，今次去观塘都见到有一间，当然都一定要试吓！肉类🐮:食烧肉又点可以冇肉，除咗最出名嘅日本萨摩和牛拼盘，我仲叫咗牛𣺉🐮，烧汁美国肥牛片🐮同厚切豚腩肉🐷。而我最钟意嘅一定系厚切猪腩肉🐷。猪腩肉肥瘦比例真系perfect，脂肪烧到脆脆地，连埋猪肉一齐食，口感好丰富。坚好食！海鲜类🦐:我觉得最有特色嘅一定系鱿鱼🦑圈同墨鱼仔🦑。呢两样都系比较少喺烧肉店到出现。味道鲜甜弹牙，食落去一啲都唔韧，只要加少少调味料，就已经突出左佢地嘅味道熟食类🍆：天妇罗同秋葵炒牛肉都系我十分推介嘅美食！天妇罗🍆，厨师分别用咗唔同嘅蔬菜去做，全部都超脆同可口。但完全冇油腻嘅感觉。秋葵炒牛肉🐮，呢两种食材配搭新颖，味道意外地夹。口感同味道都好丰富。面料🍝：拣咗厨师自家制嘅拉面🍜，口感好弹牙同挂汤汁。真系食到舔舔脷。