金萊餐廳 (已結業)

同细女铜锣湾行街，有少少肚饿，随意行入去呢间茶餐厅食个下午茶。阿女叫了牛油炼奶脆猪，我见个餐牌有个流心芝士西多士，知道一定好邪恶，但又心思思叫来试吓。牛油炼奶脆猪面包好脆，搽满左牛油同炼奶，但小朋友有quota唔怕肥，佢好快就成份食晒。西多士炸到外脆内软，出面糖浆、牛油、切开里面芝士爆浆，外甜内咸，但又意外地好夹，不过胆固醇、卡路里爆表，美味又邪恶👍😂我食咗一半又分享左比个女，呢个下午茶真系丰富。