影片
更多
2023-02-28
345 浏览
話說我之前OT都八點幾先離開公司，男朋友就喺我公司樓下等到我收工🥹 仲好貼心咁用app喺餐廳拎定飛，等我一收工就可以去食飯🥹🥹🥹 好感動！本身諗住去食燒肉，不過夜晚實在太多人排隊，就算去到八點幾，都仲有50幾個位先排到我哋🫢所以我哋就即時決定轉場，直接喺銅鑼灣搵一間唔使排隊嘅餐廳食飯(因為實在太肚餓)喺登龍街附近出名多餐廳，我哋經過呢間餐廳，望一望個餐牌覺得唔錯👍🏻加上係藥膳湯底，好似補一補都幾好😆 最近真係OT到人都殘哂… 最重要係呢間餐廳唔使等就可以直接入座！我覺得呢度嘅食物選擇都幾多，不過佢啲飲品選擇就好少，如果佢可以提供台式飲品(例如珍珠奶茶🧋🤪)，咁就perfect了！藥膳養生湯墨魚春卷拼白菜豬肉餃台灣新竹米粉(醉雞湯底)+ 鹽酥濃汁手作牛丸3粒 ($96+$1)我叫咗呢個套餐，包一個小食同一個主菜，加咗$1轉做醉雞藥膳湯底，不過醉雞味唔算好突出，好彩本身個藥膳湯底已經好好味，紅棗嘅甜味同藥膳湯底融合得好好👍🏻 湯底仲有圓肉、杞子等等藥材，好味又滋補🤤 墨魚春卷幾彈牙，魚味都幾出；而白菜豬肉餃就一般般，冇乜特別。至於跟餐嘅小食，有三粒牛丸。雖然size唔係好大，但係入面幾Ju
喺登龍街附近出名多餐廳，我哋經過呢間餐廳，望一望個餐牌覺得唔錯👍🏻加上係藥膳湯底，好似補一補都幾好😆 最近真係OT到人都殘哂… 最重要係呢間餐廳唔使等就可以直接入座！
我覺得呢度嘅食物選擇都幾多，不過佢啲飲品選擇就好少，如果佢可以提供台式飲品(例如珍珠奶茶🧋🤪)，咁就perfect了！
藥膳養生湯墨魚春卷拼白菜豬肉餃台灣新竹米粉(醉雞湯底)+ 鹽酥濃汁手作牛丸3粒 ($96+$1)
我叫咗呢個套餐，包一個小食同一個主菜，加咗$1轉做醉雞藥膳湯底，不過醉雞味唔算好突出，好彩本身個藥膳湯底已經好好味，紅棗嘅甜味同藥膳湯底融合得好好👍🏻 湯底仲有圓肉、杞子等等藥材，好味又滋補🤤 墨魚春卷幾彈牙，魚味都幾出；而白菜豬肉餃就一般般，冇乜特別。至於跟餐嘅小食，有三粒牛丸。雖然size唔係好大，但係入面幾Juicy， 外層有輕輕炸過，加埋鹽酥嘅味道，好香好惹味👍🏻
香辣藥膳牛肉湯手工麵 + 台灣麻辣鴨血拼凍豆腐 ($108+$2)
男朋友叫咗呢款，上小食嘅時候因為太肚餓，唔記得咗影相就已經食咗個凍豆腐😆 質感似係蜂巢豆腐，然後吸晒啲汁。而鴨血方面，雖然話係麻辣，但其實只係少少辣🤏🏻 兩款小菜嘅味道都唔錯👍🏻
至於個牛肉湯手工麵方面，個牛肉湯底飲落有台灣嘅味道，手工麵偏向粗身，軟硬適中，但我都係prefer我食嗰款新竹米粉多啲，因為好似掛汁能力高啲。
柑桔檸檬特飲 (熱飲免費，凍飲加$2)
我哋都跟餐加配咗嘢飲，我叫咗熱飲；男朋友叫咗凍飲。我覺得熱嘅柑桔檸檬太濃，我問店員拎咗杯熱水，溝稀番少少先好飲，如果唔係會漿住個喉嚨🫢
张贴
