程班長台灣美食 (已結業)

去开长沙湾，于是去咗程班长食晚饭。朋友介绍食台湾嘢，去嘅时候冇乜期望，都系谂住食下普通台湾菜，例如肉操饭，台式炸鸡扒之类，但系都有惊喜。餐厅位于工厂大厦，餐厅外面有一个好大嘅「程班长」同埋好几个奖状，而内部装修简约。六点零钟都有半满座，一入职员用普通话打招呼同提供咗点菜纸，好有台湾风格。参考推介，试咗清汤半筋半牛肉面，大肠包小肠，牛肉卷饼，红油抄手同冬瓜茶。碗清汤半筋半肉面虽然话系清汤底，但都见有少少红油，微辣。汤底清甜，牛肉（系牛腩嚟嘅）「林」，口感唔错，有D弹牙，唔韧唔鞋!大肠包小肠，即整嘅，热辣辣。系㓥开嘅糯米肠包住台湾香肠，加咗腌制青瓜片同甜酸菜。味道几好，有甜酸菜食起嚟无咁制。牛肉卷饼都系即做，薄饼上铺上薄牛肉，再加上鲜青瓜切条，卷成卷饼。薄饼外脆内暖，加上牛肉好好味，值得一试！至于红油抄手，可能未能趁热食，味道较普通，唔系太辣，食食下有咬咗啖面粉皮感觉，因为收口位个皮有D厚。冬瓜茶标准，同系台湾当地饮嘅一样香甜，是甜，但不觉过甜。整体嚟讲，呢餐好好味。