丼吉日式吉列豬排專門店 (又一城)

营业中

休息中

我朋友突然间谂到想食吉列猪，本身佢话去开尖沙咀Apple附近有一间出名食吉列猪嘅店，于是懒醒泊咗架车喺海港城，点知上网睇原来装修紧，唯有睇吓有冇分店啰 ！虽然应该最近的the one 有一间，不过佢选择走返去九龙塘，好彩我哋泊咗好短时间（免费）如果唔系蚀咗一个钟。其实我心谂二百几三百蚊一个吉列猪扒饭，都唔系人人觉得好抵，谂返起以前曾经响日本食好似都系二千几yen即系百零二百蚊就已经好好食啦！仲要饭后佢系送甜甜蜜瓜而唔系西瓜啰😂最惨系我哋仲要等咗起码超过半个钟先有得食，等嘅途中侍应问我哋要唔要食住啲菜先，我哋觉得好惨啰！😅我哋两个人一个就叫炸猪柳一个就叫炸海老。都系猪好食啲，我觉得好Juicy呀，不过朋友嫌佢鞋咗少少，有机会下次食可以试吓猪扒。