泰濃麵 (樂道)

营业中

休息中

朋友忽然心血来潮，话想食船面，结果揾到尖沙咀呢间人气泰面馆。由于我本身唔太好船汤，所以点左冬阴公汤底。鸡髀肉薯粉冬阴公汤底 $68冬阴公汤够酸又够辣，虽然系咸左少少，但几乎成碗比我饮哂!! 唔好睇佢碗细细，原来个面底都唔少，不过薯粉煮耐左少少，唔够弹牙；配料亦几丰富，除左鸡髀肉之外，仲有一只大虾、青口、蟹柳同埋一D秀珍菇；鸡髀肉比较鞋，大虾弹牙，整体唔错。顶级美国肥牛黄面船汤底 $68配料虽然唔及冬阴公既多，除左肥牛外，只有2粒白鱼蛋、白萝卜同一D脆猪皮，不过胜在汤底浓郁又够杰身；肥牛唔算好肥，而且几有牛味，加上食果阵只系半熟，一D都唔韧，食得过。泰式炸虾饼 $38朋友中意食虾饼，所以特登点左个比佢解解瘾。由于虾饼新鲜炸出，职员细心提醒小心辣口；虾饼厚身、弹牙、有虾味，可以一试。系店内短短半小时，听到之后入黎既食客都系点冬阴公汤底为主，我同朋友都一致认为，呢度既冬阴公汤底较为出色。