齊柏林熱狗店 (錦薈坊)

营业中

休息中

想食佢哋嘅热狗好耐，但好多时都系晏昼，想揾个坐得低嘅地方。呢晚放工要去市中心买啲嘢，就买只热狗做晚餐。睇餐牌见到款式唔少，我嘅选择困难症又发作。见澳式风情热狗系Best Seller，芝士、菠萝、烟肉都啱食，就叫咗呢个，另加$15转套餐，点咗细薯条加罐装Zero。睇到个厨房，所有柯打都系即叫即整嘅。薯条即炸，连条肠都系落咗单先开始煎，加上客人唔少，所以等得比较耐先有得攞。搭埋车返屋企，打开𠮶阵个热狗同薯条冻咗了，但正正咁更加见真章。热狗包边仍然脆，入面都仲系软嘅，唔系焾咗𠮶种，而系似日式面包𠮶种软。睇海报话佢哋啲包唔系攞货，而系自设工场整。薯条系脆得嚟唔硬𠮶只。虽然话薯条系攞货，但攞边只货、会唔会炸过头唔够身就有关了。呢个我觉得都几好食，如果有其他特色酱应该更好食。有机会要再试吓。