烏蠅館 (九龍中心大廈) (裝修中)

川菜是中国嘅四大菜系, 香港人都几钟意食川菜, 特点系清鲜醇浓, 麻辣辛香。今晚喺尖沙咀嘅乌蝇馆食下烤鱼, 呢度嘅香辣烤鱼系招牌菜, 点咗少辣嘅清江鱼烤鱼。食店环境都唔错, 楼上雅座, 地方好阔落, QR code落单好方便。原炉原条清江鱼上桌, 加热约十分钟, 鱼身开边铺满炉盘, , 卖相好有气势, 份量非常足够, 鱼身有光泽, 肯定好新鲜。鱼肉鲜甜幼滑, 肉厚多汁, 加上辣椒芫茜香葱等香料, 口感好丰富。金菇菜, 云耳和芋丝等配菜, 吸收烤鱼汁精华, 特别滋味。美味又有份量嘅烤鱼, 食完都饱咗一半。小食都几多选择, 四川炸鱿鱼炸得好香口, 鱿鱼爽脆有嚼口。麻辣猪耳香辣爽脆, 川式韭菜猪肉水饺皮薄饀料惹味。红糖糍粑甜脆软糯, 香芋地瓜丸外脆内软, 充满芋香, 甜滑可口。