影片
更多
2017-08-01
15146 浏览
自从铁路可达西环，由新界西过黎都方便得多，唔知系咪因为咁，近年西环都多左好多食店，带动不少区外人前来揾食。讲到台湾菜，阿元来了人气一直不减，对上一次试过略为失望，唔系太啱我地口味，今次就左喺佢附近嘅另一台湾食店：请坐。周日下午时间，本来我系想去另一间文青餐厅，可惜佢地只剩下露天座位，烈日当空我梗系耍手拧头。转战「请坐」，好在快一步有两个位，否则要喺外面排队呢。餐牌选择唔算好多，饭、面、汤、蛋饼、小食等，本来真系想点好多好多野食，因为样样都吸引，可惜我地仲有下一餐，只好忍痛点几款，留待下次再食。相对阿元来了嘅台式装潢，请坐显得较为新派，设计比较简约，店名、黑色门面、白色木色为主调，骤眼睇以为系间cafe，店内位置唔多，枱櫈有点密麻，餐枱有点小，搭枱系基本，一人点一碗面、小食、饮品，仅仅放得落，不过相对阿元，个人认为已经算比较舒适，当然啦香港寸金尺土，食完个饭都唔好谂住喺度坐太耐啦，你估真系台湾咩。得知小店由两位嫁到香港嘅台湾妈妈经营，主打家乡味道，当日亦都喺店内见到其中一位店主，落手落脚招呼客人，店员都亲切有礼。除左食物有水准，还能感受到台湾人的态度真好红烧牛肉面 $68面嘅价格系全店最
周日下午时间，本来我系想去另一间文青餐厅，可惜佢地只剩下露天座位，烈日当空我梗系耍手拧头。转战「请坐」，好在快一步有两个位，否则要喺外面排队呢。餐牌选择唔算好多，饭、面、汤、蛋饼、小食等，本来真系想点好多好多野食，因为样样都吸引，可惜我地仲有下一餐，只好忍痛点几款，留待下次再食。
相对阿元来了嘅台式装潢，请坐显得较为新派，设计比较简约，店名、黑色门面、白色木色为主调，骤眼睇以为系间cafe，店内位置唔多，枱櫈有点密麻，餐枱有点小，搭枱系基本，一人点一碗面、小食、饮品，仅仅放得落，不过相对阿元，个人认为已经算比较舒适，当然啦香港寸金尺土，食完个饭都唔好谂住喺度坐太耐啦，你估真系台湾咩。得知小店由两位嫁到香港嘅台湾妈妈经营，主打家乡味道，当日亦都喺店内见到其中一位店主，落手落脚招呼客人，店员都亲切有礼。除左食物有水准，还能感受到台湾人的态度真好
红烧牛肉面 $68
面嘅价格系全店最高，系少我地觉得好食嘅牛肉面，特别喜欢店家嘅面条，虽然偏幼身，但软硬适中有嚼头
牛肉份量不少，几件似牛腩咁嘅口感带筋，比起牛肋条可能冇咁腍身，但有两件特别嫩腍松软，睇你好唔好彩。
汤头很对味，面头有少量酸菜、葱粒，入口随即散发微微花椒味，比起一般嘅红烧多一点香辣，味道较重但汤底唔会好油腻，饮完亦唔会觉得好口渴，凭住呢一点香辣，我已经知道自己会再访
起司蛋饼 $29
蛋饼除左原味，可配玉米、火腿、起司、鲔鱼、九层塔、肉松、木鱼花等不同材料，定价 $25-35。
看似普通嘅材料，不过要啱我地口味就唔简单，食过程班长嘅蛋饼比较起来有明显分别，后者煎得较酥脆，带点手抓饼口感，但我地就觉得有点腻。请坐嘅蛋饼偏柔软，饼皮光滑只有少量葱，食落烟韧唔干，面头加有酱油，馅料选浓郁嘅芝士，微微拉丝，稳阵之选，只系份量颇多
如果独食一个面再加蛋饼或许会饱滞，我地想多试几款小食都无能为力。同时听到隔离枱讨论道话觉得肉松蛋饼更好食，又再次令我想回访了。
香肠 $26
讲到最挂住嘅台湾美食，其中台湾肠走唔甩，特别系男朋友，去亲旅游每日都要食，就好似我去到韩国日日都要食鱼糕一样。
但香港冇一间整得好食，因为男朋友要嘅系煎到香脆，喺夜市有十档八档𠮶种。而非白灼肠 (食过阿元来了嘅肠大概知道我地讲边种)
26蚊得𠮶4条仔，真心贵，不过啱食冇办法
洛神花茶 $10 (原价 $24)
茉香绿茶 $8 (原价 $18)
饮品选择不少，其中有十款饮品惠顾饭面小食可享半价，喜欢珍珠、椰果可加钱配。
请坐嘅饮品亦很对味，甜度唔高，清凉消暑。
喺香港食台湾野认真唔平呢，好多人都笑言，数字系一样，只系 dollar sign唔同。
喺度点个面点份小食点杯饮品，人均一百左右，可以接受。不过最紧要啱自己口味，唔啱食几平都冇用
张贴
