唐揚日式炸物小食店 (已結業)

听网友讲，呢度开左间卖炸野既小食舖。对于我呢炸物狂，点都唔会错过既。无谂过佢地会开呢个位，可能近旺角一带既租太贵啦。本来想食得意鸡，但黎得呢度就试下个芝士饺子酿鸡翼！芝士饺子酿鸡翼都等左一个字到，不过都值得既。个鸡翼既炸粉好薄，唔会好似其他炸物点既食物食到成啖炸粉。此外，个鸡翼都算几juicy。唔会炸到太干，呢个系值得加粉既。而个芝士真系可以拉到几长，成条芝士丝。美味真系在心头。而个饺子馅都系普通既用料，不过食落同个鸡翼都几夹。另外，佢地都有沙律酱俾你点。其实唔落沙律酱都好食，落左都同个鸡翼几衬。呢个沙律酱同平时食开既有分别，系有小小咸架。呢个鸡翼都唔错，不过二十蚊两件就贵左小小。价格可以作调整既。而且呢度食鸡翼都食到好狼狈，真系要用手食鸡翼。庆幸既系，我觉得用手食鸡翼先惹味。最后，希望可以有更多新炸物推出啦。