Burgeroom (Fashion Walk)

营业中

休息中

其实我本身麻麻地食汉堡同薯条，朋友话带我去食就去试一试啦，去到铜锣湾既Festival Street感觉好外国化，有露天卡座，有店内雅座，我地选左店内静静地位置。高高的大烤菇鳕鱼汉堡放系眼前，一啖咬落去酱汁丰富，鳕鱼柳香脆，鱼味十足，大烤菇烤得刚刚好富有浓浓菇汁，配上几片生菜添上层层不同口感，鳕鱼柳亦绝不偷工减料，厚厚的2块可以用刀叉切开o黎食，亦可以配其他食物既酱汁，非常好味。软壳蟹汉堡份量十足，足足有一只完整软壳蟹，咬落去香酥脆口，啖啖软壳蟹并唔系只得粉浆，仲有蕃茄生菜中和油腻感觉。鹅肝牛肉汉堡有2片大大片鹅肝，再配有差唔多1寸厚既汉堡，一啖咬落去鹅肝甘香，汉堡Juicy，满口既牛肉香鹅肝香留o系口中久久唔散，食过翻寻味，赞。田园沙律满满一大碟，沙律菜非常新鲜脆口，再配上黑醋、酱汁，清一清汉堡既油腻感，厨师贴心的将3块蕃茄去皮，细心既服务值得加许。黑松露芝士薯条份量足，一份足够2个人食，浓浓既黑松露芝士酱配粗粗既薯条口感唔错，黑松露味道突出，非常好食。最后配一杯1664啤酒，人生一大享受，从此对汉堡改观。