八月茶室 (南豐中心)

营业中

休息中

约咗朋友放工后见面，见呢间茶餐厅装修新净光猛，食物款式又多元，于是决定喺呢度食晚饭，叫咗以下食物:招牌酸菜鱼 - 酸菜鱼味道有酸有辣有麻，但又不会过辣，鱼片份量不少，再配上酸菜、芽菜及宽粉，索晒啲汤汁，真系美味又丰富。椒盐鲜鱿 - 鲜鱿香脆惹味。梅菜马蹄蒸肉饼 - 肉饼唔会死实实同粗嚡，加上马蹄更清新爽口，梅菜能调出猪肉鲜味，很不错。铁板银芽肉丝炒面 - 炒面炸得香脆，加埋适量嘅肉丝及酱汁，食极都唔会厌。炸小馒头 - 很少见到茶餐厅有炸馒头，馒头炸得外表香脆唔油腻，点埋炼奶简直一绝。蒜蓉炒菜心 - 蒜蓉香口惹味，菜心又嫩又甜，好味。龙凤七喜、龙凤可乐 - 龙凤即系柠檬加上咸柠檬，饮落更有层次及下火。