醉胡爐 (已搬遷) 新店位置

今次食呢间火锅，系连staycstion package 酒店148的。不过喺纯睇味道黎计，绝对好味。先讲汤底，因package,有椰子鸡同金翅花胶乳鸽。椰子鸡周围都有，所以试金翅乳鸽汤，估唔到个汤好浓，仲好好味，有啲翅，同花胶，未打边炉先每人叹一碗，已经好享受。另外，每次干水时，都会加鱼汤，令汤底唔会淡，好鲜味。火锅料有牛肩胛同伊比利亚黑毛猪，手打牛肉丸，虾丸，云吞同鱼皮鲛，脆脘片，日本广岛蚝，炸鱼皮，唐生菜。追加了黑松露墨鱼丸。熟食方面有串烧鸭肾，烧牛舌，一夜干，老友鬼鬼。无论火锅料，定熟食，都好出色。老友鬼鬼尤其出色，外层油炸鬼炸得好深层，除了脆之外，仲有深炸既味道，而上面既墨丸滑又好弹牙。炸鱼皮比出面既出色，一片片好工整，不似出面啲鱼片会扭埋，而且松脆耐浸，浸过汤底一阵都仲系好脆。环境方面都好整洁干净，服务态度好，而提供既热茶都好有淡淡茶香。如果唔计价钱，绝对好味。