陳根記 (已搬遷) 新店位置

今日收工约左好朋友去沙田食饭，行去禾𪨶途中，朋友见到大排档话忽然间好想试，咁就两个人麻甩一番啦。两个人叫左两个𩠌加碗白饭，已经好够饱。wasabi手撕鸡 :见每一台都点呢个招牌菜，我地都叫返个试下。份量相当多，鸡肉爽口够嫩，wasabi微辣下越食越呛鼻，但又一路食一路停唔到口，配埋蟹籽同海蜇，热辣辣下食感到份外清凉。蚝饼 :同一般大排档一样，蚝饼大大碟有两大块，即叫即炸，入口时十分烫口，蛋酱包住大量既蚝仔，炸得非常香脆，配埋饭食一流。虽然气温高达三十度，但一样坐满咁滞，有时食饭唔一定要环境好，风味都好紧要架。