影片
更多
2018-04-24
2692 浏览
位于湾仔兰杜街嘅法式小馆「Odelice」开业咗一段长日子，风评亦不俗，不过，小弟就未曾光顾过。最近，得知分店开晌尖沙咀，而且，就晌The One 4楼，相当方便我等九龙人。故相约几位友人聚聚旧，分享近嚟嘅点点滴滴。走进餐厅内，黑白格仔地砖最体现一派法式小馆嘅情怀，啲吊灯亦都好别致。但因为喺日头嚟食晏，所以，情调就当然欠奉，不过，一边都喺落地大玻璃，阳光嘅投射，变得开扬舒服，加上无论卡位还是其他座位，都让人感到宽敞自在。晌等候上菜期间，稍稍留意到，枱上嘅盐及黑胡椒罂，以及刀叉等餐具，都唔喺普通货色。周末嚟到，午市主要提供「周末悠悠早午餐」，由11:00am至5:30pm供应，沙律或餐汤，再自选一道主菜，但就唔包饮品，收费就视乎所拣主菜。除咗个套餐，餐牌仲罗列多款待特色饮品及甜点。是日精选餐汤今日嘅餐汤喺野菌忌廉汤，色泽对办，睇得见唔少菌粒嘅质感，入口却喺柔滑，菌香味浓，用料不赖，而且，都唔细碗添。田园沙律对比个汤，沙律就真喺简单啲，沙律菜淋上油醋，不过，除惯常所见嘅沙律菜外，仲有樱桃萝卜、车厘茄、甘笋丝，用料新鲜爽脆，轻易打开胃纳。主菜确实有好多选择， 类别就大致分为全日早餐、法式多士
走进餐厅内，黑白格仔地砖最体现一派法式小馆嘅情怀，啲吊灯亦都好别致。但因为喺日头嚟食晏，所以，情调就当然欠奉，不过，一边都喺落地大玻璃，阳光嘅投射，变得开扬舒服，加上无论卡位还是其他座位，都让人感到宽敞自在。
晌等候上菜期间，稍稍留意到，枱上嘅盐及黑胡椒罂，以及刀叉等餐具，都唔喺普通货色。
周末嚟到，午市主要提供「周末悠悠早午餐」，由11:00am至5:30pm供应，沙律或餐汤，再自选一道主菜，但就唔包饮品，收费就视乎所拣主菜。除咗个套餐，餐牌仲罗列多款待特色饮品及甜点。
是日精选餐汤今日嘅餐汤喺野菌忌廉汤，色泽对办，睇得见唔少菌粒嘅质感，入口却喺柔滑，菌香味浓，用料不赖，而且，都唔细碗添。
野菌忌廉汤
35 浏览
0 赞好
0 留言
对比个汤，沙律就真喺简单啲，沙律菜淋上油醋，不过，除惯常所见嘅沙律菜外，仲有樱桃萝卜、车厘茄、甘笋丝，用料新鲜爽脆，轻易打开胃纳。
主菜确实有好多选择， 类别就大致分为全日早餐、法式多士三文治、主厨挑选菜式、班尼迪蛋系列、法式荞麦薄饼及意粉。有唔少都喺心水菜式，样样都想试，真喺唔易落手。哈哈，我哋都喺班尼迪蛋粉丝！
牛油果双重奏班尼迪蛋 $100何胃双重奏？一睇就明，就喺烘多士之上有牛油果蓉及牛油果片，再配上煮得恰到好处嘅班尼迪蛋，柔香滋味；而多士并非普通嘅白面包，从餐牌所见喺叫一款布里欧修面包，口感较烟韧而富麦香。此外，伴碟喺大量沙律菜，所以，如拣呢款主菜，就建议之前拣餐汤而弃田园沙律喇。
牛油果双重奏班尼迪蛋
$100
42 浏览
0 赞好
0 留言
友人哋食肉兽一名，所以，就算喺点班尼迪蛋，都要拣一款喺配牛脊肉嘅。睇见烧得嫩红嘅牛脊肉，心里已自我感觉良好先，入口肉质嫩滑，肉味唔错，且富肉汁，配班尼迪蛋及多士，配搭见心思；加上伴有大量沙律菜，绝唔使担心罪恶感嘅问题啦。
澳洲牛脊肉班尼迪蛋
$130
40 浏览
0 赞好
0 留言
小弟就听店长嘅推介，一试佢哋嘅蟹肉饼，份蟹肉饼班尼迪蛋用长碟奉上，其实，佢同样配沙律菜，只喺以玻璃碗另上，我哋仲以为送多咗一份沙律菜嚟添。两件蟹肉饼煎得焦香，食落坚啖啖丝丝蟹肉，绝无欺场；而班尼迪蛋嘅流心程度一切就知，伴上酸酸甜甜嘅荷兰汁，真喺滋味嘅享受。
香蕉热情果蜂蜜冰沙 $42天气开始热番，又正值正午，所以，小弟就拣咗杯沙冰。外观比较平实，但入口充满香蕉味，慢慢渗出热情果果香，由于加份蜂蜜，加上又有香蕉呢，所以，唔会有过酸嘅感觉，总之，饮落就非常清爽。
士多啤梨罗勒冰茶 $38友人同样以冻饮嚟提早迎接夏日，所以，拣杯望落已透心凉嘅冰茶。士多啤梨打蓉再配红茶，放几片罗勒做衬托，喺几特别嘅组合，友人都赞酸香冰凉，非常适合炎夏享用。
心灵甘菊茶 $42以淡薄嘅洋甘菊作茶底，再加入柠檬、厚厚嘅姜片及法国蜂蜜，能否滋润心灵呢？友人就话较难讲，但味道就不俗，感觉挺舒服。而最讨人心嘅，就喺杯茶配上一片饼干，重麦香。
红莓芝士蛋糕配清新红果酱 $65 食完个午餐都够饱，但呢度环境予人感到好舒服，大家就决定追加啲甜点共享，再坐多阵倾吓偈。红莓芝士蛋糕用料好足，红莓跟芝士味都突出，唯一挑剔喺质感稍硬，同埋饼底过厚。
提拉米苏 $65相比起，小弟就钟意件意大利芝士饼多啲，因为，马卡风芝士层做得轻柔软滑，口感细腻，饼底用上传统手指饼，湿润而有酒香。不过，就唔明点解配咗啲红果酱，感觉唔太夹以咖啡酒及唂咕味为主嘅提拉米苏㖞！
提拉米苏
$65
28 浏览
0 赞好
0 留言
张贴
