1仔冰室 (已結業)

今晚喺红磡唔知食咩好，到最后都系拣咗1仔原本睇OpenRice见到有炒龙趸球嘅餐牌，就想试吓。入到去望吓个晚巿Menu，冇咗炒龙趸球，但系有清蒸龙趸仔。虽然有啲失望，但系又有个快闪推介，蒜蓉笼仔蒸海虾饭，原价$78，快闪价$68。我都快闪唔谂啦一于叫佢，配热奶茶。等咗一阵有得食啦。一阵阵嘅蒜蓉香味。配埋啲炒过嘅饭连鲜虾一齐蒸。好鲜味，好香。饭系炒过再摆埋去一齐蒸，但系都唔会过太淋。好香好好食，好耐都冇试过，笼仔蒸虾饭喇。我三扒两拨，就食晒。有啲唔够喉添，但系由于夜晚，费事再食，会食济。呢个饭$68真系超抵食。而且杯奶茶都好浓郁，好过唔少茶记。夜晚大家就唔好叫啦，如果唔系分分钟饮完瞓唔着。虽然今日食唔到龙趸球，但系都食到好嘢。惟有下次再嚟先试龙趸球啦。