麻辣風雲 (京都廣場) (已結業)

一讲起酸菜鱼，我就谂起麻辣风云！我更念念不忘嘅系佢哋嘅炸馒头😋今次再访餐厅，唔使考虑，立即落单呢两款菜式！诸葛亮乘风破浪地承载住新鲜炸起嘅馒头出场，又系打卡拍片嘅好时候📸馒头外皮香脆，入面松软，富麦味，系我怀念嘅味道。店员捧上酸菜鱼嘅时候，香味亦随著气流飘散，整体摆盘同配色上都非常缤纷，视觉及嗅觉上都好高分！我点咗小酸同小辣，再加薯粉。嫩滑又无骨嘅鱼肉吸收晒浓郁嘅汤底，入味非常。我另外再点咗一份蒜香小龙虾，份量十足，热辣辣而且蒜茸味浓。店员细心地提供胶手套俾我哋，食得滋味又唔会整污糟只手。餐厅亦有其他唔辣嘅小菜可以选择，辣与唔辣都可以让客人享受到与别不同嘅用餐体验。