嫲嫲辣辣

营业中

休息中

同我朋友做完嘢响尖沙咀度揾嘢食，时间夜咗少少已经发觉少咗好多食肆开门，揾吓揾吓结果突然间朋友话去返厚福街揾嘢食，跟住就入咗嚟呢间嫲嫲辣辣。其中一个好处起码系佢冇咁早闩门，又有位坐，不过一路坐都见到不断有人嚟食嘢，已经好过以前要排长龙。今次大家都肚饿，所以嗌咗一个干锅底之后，都加咗几多嘢落去。味道系孜然，跟住分别叫咗羊肉片、蚬、中虾、鸡翼尖、青瓜、田鸡、红薯粉、云南花菜、篙笋、同埋秋葵。味道无变一样咁好食，不过唔知系咪转左个㖞用咗个煤气炉底，一路用细火热住佢，变咗个锅底油多咗，同埋啲热力唔够，要不断响度搅匀佢先至热返啲。呢部份有啲失望，但系其他整体都好好。