雅典娜

营业中

休息中

深水埗区真系有好多不同的平民隐世美食，好似车仔面呀个啲。寻日同男朋友又要去鸭记买嘢，之后就去左西九food court食饭，food court有一个好处就系平民价钱同埋多选择，但缺点就系难揾位。雅典娜好似"铁板午餐"的食店咁做铁板饭餐，但唔同左就系有猪扒等的食物加上肥牛铁板饭上。不过始终唔同食店的铁板饭有的材料都唔同，而雅典娜就真系超多粟米同汁，当然肥牛都好多，捞埋之后啖啖饭都可以有汁同牛肉香味，而且我超钟意食粟米，真系觉得超正，我个人比较钟意煎到有少少饭焦，所以我会嚟到之后煎下先再捞匀佢食。猪扒方面都好好味，绝对唔系话平民价就难食、好硬或者好干咁，所以算不错，而且佢仲有好多唔同𩠌菜配搭，下次再食相信应该再有不同惊喜。