囍囍 (已結業)

平时行过见到佢嘅餐牌有煲仔饭已经好想试，前几日终于可以入去食个腊肠北菇鸡煲仔饭，$78仲包炖汤，好抵！个饭好足料，侍应问我要唔要葱同鼓油，葱就唔要喇，鼓油就必需要啦！落完鼓油再焗3分钟到就可以开盖喇！有好多腊肠，少肥唔会得肥膏。鸡肉好滑，冬菇都好食。同区有间出名嘅坤记，我食过一次，要等位之余，落单后仲要等一个钟先有得食。价钱仲要唔平，差唔多要$100一个煲仔饭。想去西环食煲仔饭，我建议大家嚟依间囍囍试吓，8:30pm后仲有特价煲仔饭$58。