韓膳宮韓國料理 (已結業)

又到年尾既时间，系过年前最忙就系要约埋朋友一齐食下饭聚下，预先食个年饭。今日约左朋友黎到尖沙咀，朋友系一个韩迷，就带左佢去呢间韩式餐厅食下韩国野。等佢解下思乡之情。入到黎餐厅见到座位都十分宽敞，坐落十分舒服。两个人商量左一阵就决定拣左二人套餐B，有烧烤拼盘，人参鸡汤，石头锅饭。前菜有6款，每款都几好味，特别系泡菜，食到系好重辣椒既香味，而唔会只有辛辣既味道。而且可以食到蔬菜既天然甜味，同韩国出名既餐厅既泡菜味道。有大虾，肉眼扒同埋牛肋骨。大虾一开始就放左系旁边烧到就完先食，食果阵仍然肉质弹牙同埋几鲜味。肉眼扒既牛味好重，只需要烧一阵就可以点少少酱食已经好好味，肉好软熟。 仲有我个人食完之后极之喜欢既牛肋骨。不得不赞既系牛肋骨腌得好入味同味道刚刚好。烧完后加入生菜同埋泡菜等小菜包埋一齐一口放晒入口真系好满足。咁食法有蔬菜既清新又有肉既味道配搭绝佳。食完肉后仲有一个人参鸡汤，鸡有半只，汤味都十分浓，食完肉后饮番一电人参鸡汤就完美了。两个人食晒个餐已经好饱，咁既分量同味道真系性价比十分高。