立体派拉麵 (棉登徑) (已結業)

由于呢次疫情，已经好耐好耐无返过乡下，今日决定去食番餐拉面解下乡愁先。今次拣左尖沙咀呢间立体派，餐厅楼底够晒高，座位亦十分舒适。我地拣左两个拉面同两个小食share食。特级白汤（大），拉面卖相一流，有几片肉再加一只糖心蛋，十分足料。汤底很浓郁，忍唔住食到底饮晒d汤。鲭鱼汤香菇野菜海虾拉面，汤底有少少辣，饮落好开胃。香菇野菜份量亦很多。三只海虾另上，少少酒味，味道几特别，三只虾都很弹牙，口感一流。香炸鸡软骨饺子，鸡软骨食落够晒口感有层次，唔错。唐扬脆炸鸡，有5粒大大粒炸鸡炸得够晒香脆，上枱热辣辣，正。波子汽水&可口可乐呢餐食得好满足，无论餐厅环境又或者食物质素都很满意，价钱亦合理，相信好快有下一次。