金所 (已結業)

今日一大早9点约埋朋友黎金所食个豊洲市场直送鱼生饭做早餐。本来以为出面会排晒队，点知即刻有位入去食。佢地提供12款鱼生饭，每个饭都付上味噌汤同柚子味萝卜。另外，佢地仲会提供额外新鲜海鲜， 例如蚝，北寄贝等等。今次order左$298既生鲔饭。个饭有鲔鱼唔同部位包括中落ち，赤身，中拖罗同大拖罗。食过呢四个部位，每件都食到鲔鱼既鱼香，非常好食！其中，本人比较喜欢中拖罗，因为佢既脂肪系赤身同大拖罗之间，所以脂肪丰富之余亦恰到好处。值得推荐。