Mr. Crab by The Captain's House (已結業)

一讲起Mr. Crab，大家一家会谂起佢哋嘅美味招牌海鲜袋。而Mr. Crab嘅二人餐除咗依个seafood combo外，仲有小食、主食同两杯house wine。我个人都几喜欢食鸡翼，所以小食拣咗脆炸鸡翼配蒜香蜜糖汁。炸浆唔会厚、薄薄一层包住鸡翼，令鸡翼皮脆肉嫩。鸡翼最正嘅系同绝大部份嘅酱汁都好夹，点上蒜香蜜糖汁，滋味升级。主食有意粉、宽条面同意大利烩饭三选一，我就拣咗蟹肉蟹膏南瓜意大利烩饭。整碟烩饭蟹味浓郁，每一口都充满蟹嘅鲜味同南瓜嘅甜味。终于到seafood combo出场喇。11款嘅海鲜，今次拣咗海虾、小墨鱼仔同马尼拉蚬，再配搭Mr Crab Cajun Sauce。海虾依旧大只弹牙、小墨鱼仔非常饱满、马尼拉蚬相当大只清甜。配上依个辣辣地嘅酱汁，令海鲜们更加惹味可口。海鲜袋里面嘅肠仔、粟米同薯仔当然亦都唔可以放过啦。同海鲜们一样，全部都吸收哂啲酱汁，而且仲带住海鲜嘅鲜味。套餐包咗两杯house wine。唔饮酒嘅朋友，亦可以选择汽水嫁。