大滿喜日本料理 (已結業)

平时都唔系话特别钟意食放题，因为成日都会食到一啲比较伏嘅餐厅。今次去左呢间位于旺角嘅大满喜，味道就非常令人满意，向大家诚意推荐!餐厅环境寛阔，坐得都好舒服。饮品选择相当多，由不同嘅汽水到乌龙茶等等，实有一种系岩你饮嘅。除左饮品外仲有乳酪，真系非常贴心。食放题最抵就紧系叫刺身喇，平时几十蚊一碟嘅刺身而加可以任食，紧系要食到回本先得喇!呢度嘅刺身选择都几丰富，三文鱼、油甘鱼、甜虾等等应有尽有，而且都十分新鲜，味道令人满意。除左刺身之外，我仲好钟意叫呢类创意小卷，师傅设计左唔同鱼生嘅combination,一啖放入口，相当好食!除左生嘅食物外，仲有唔少熟食，都相当好食!鳗鱼岩岩烧好 ，食落热辣辣非常香口。最后食番啲时令水果，非常完满嘅一餐😆