芽籠

营业中

休息中

今日午餐去左湾仔道食新加坡菜，友人带左我黎呢一间芽笼，个名好特别。位置方面个人觉得近铜锣湾港铁站多d，可以系时代广场出口出。餐牌有各类新加坡特色面饭如喇沙掺掺同海南鸡饭，主食，小食，鸡鱼猪手，饮品。无加一。蟹粉蟹件喇沙掺掺 $78蟹粉蟹件喇沙掺掺大大碗，面头见到一件蟹身连几只蟹脚，同一pat蟹粉。蟹身入面都有少少白雪雪蟹肉，蟹粉都好香。惊喜地有连壳蚬仔两只。其他配料有炸鱼蛋两片同炸鱼蛋两粒，虽然炸鱼蛋细细粒，不过食落都唔差。豆卜两件，吸汁之选。糖心蛋半只，个心好滑。仲有爽口芽菜同青瓜丝加添口感。面底系黄色粗面加幼身粉丝，前者有咬口后者幼滑吸汁，加埋系好正嘅口感。个汤又香又滑，梛汁又够，辣度刚好。仁当牛肉 $88叫左呢款小食，仁当牛肉配两大块虾片，香口唔油。虾片下面唔少仁当牛肉，大旧嘅有五件左右，要咬吓，味道唔错。配有花生米，鱼干虾干，又香口又有多重口感。伴有青瓜同车厘茄可减腻。餐牌写微辣，呢个辣度可接受。鲜梛青 $28鲜梛青大大个，清甜解渴，仲有好多梛肉食。野食唔错，价钱实惠。繁忙时间都好多食客。