燒魂

营业中

休息中

今晚两个人食晚饭，好肚饿，所以拣咗烧肉放题，呢间烧肉放题好特别，除咗有生嘅食物比你自己烧之外，仲有日式刺身、寿司、泰式炒通菜、同埋蚝仔粥、碗仔翅。首先一坐低，我哋就叫咗饮品，有多款汽水、啤酒、解茶可以选择。接着就系叫一盘杂锦刺身做前菜，有三文鱼腩、牡丹虾、吞拿鱼，全部刺身都好新鲜，好够冰冻，而且厚切，食落口好爽脆，好有口感。尤其系牡丹虾，好巨型、好大只，仲有虾膏，好香滑。接着，叫咗两款火炙刺身，细细件，易入口，好好味。跟住开始叫主菜，自己烧。先叫左几款牛肉，有柚子汁、蕃茄汁调味，几特别。牛肉好新鲜，肥瘦比例相当好，食入口好林、好滑。猪肉方面有一口骰仔豚，同埋腩肉，两款都好好味，入口喺爽滑嘅，好有口感，感觉好新鲜。仲有猪大肠，烧到外脆内软，超正。仲有原只鸡翼，好肥大，好juicy。之后烧芝士脆玉瓜、冬菇、菠萝。菠萝系新鲜菠萝，唔系罐头嘅，非常鲜甜，非常Juicy。整体上，食物好新鲜，座位又舒服，抽油烟方面做得好好，食完件衫唔会吸晒阵味。